الاتصالات الحالية
شاشة الاتصالات الحالية بتعرض كل الشحنات اللي تم اضافتها على اليوزر من خلال شاشة خطة مركز الاتصال، وبتظهر هنا علشان موظف خدمة العملاء يبدأ يشتغل عليها.
في الشاشة دي، بيلاقي الموظف:
1. قائمة الاتصالات الحالية
ودي فيها كل المكالمات اللي موظف خدمة العملاء محتاج يجريها. كل شحنة بتظهر كعنصر لازم الموظف يتابعها مع العميل.
2. سجل المعاملات
الجزء ده بيعرض تاريخ الشحنة الحالية اللي الموظف شغال عليها، وده بيساعده يعرف الشحنة مرت بأي حالات، وبالتالي يقدر يدي العميل معلومات دقيقة عن مكان شحنته ووصلت لحد فين.
3. أزرار "التالي / السابق"
الزرارين دول بيسمحوا للموظف إنه ينتقل بين المكالمات المعروضة قدامه واحدة واحدة علشان يشتغل عليهم بالترتيب.
4. نتيجة المكالمة والبيانات الإضافية
بعد ما الموظف يتواصل مع العميل، بيقدر يسجّل نتيجة المكالمة من القايمة الموجودة (زي: تم الاتصال، الهاتف لا يرد، غير متاح...).
وبيقدر كمان يضيف:
- عنوان جديد
- رقم هاتف جديد
- موعد جديد للتسليم
لو العميل طلب تعديل البيانات دي.
